बाजुरा।  बाजुराको बाजुराको बडीमालिका नगरपालिका–१ मा पाक्न लागेको अन्नबाली असिनापानीले सखाप पारेको छ।  

सोमवार अपरान्ह ४ बजे परेको असिना पानीका कारण पाक्न लागेको कोदो, धान, सुन्तला, केरा, तरकारी लगायतको अन्नबालीमा क्षति पुर्याएको स्थानीय हर्कबहादुर कार्कीले जनाएका छन।  

असिनापानीका कारण वडाको पिनालेख, पाटा, नुवाकोट र सल्लेनाका करीब एक हजार १०० कृषकको अन्नबाली तथा फलफूल र तरकारी बाली नष्ट भएको छ।  

क्षतिको यथार्थ विवरण आएपछि नगरपालिकाले बनाएको दैवी प्रकोप राहत कोषअनुसार कृषकको क्षतिको अवस्था हेरी राहतका लागि पहल गरिने नगरपालिका प्रमुख कबित बिष्टले जनाएकी छिन।  

असिनापानी