मेक्सिकोमा ९ अमेरिकी नागरिकको हत्या
एजेन्सी । उत्तरी मेक्सिकोमा ९ जना अमेरिकी नागरिकको हत्या भएको छ । ६ बालिबालिका र तीन महिलासहित ९ जनाको गोली हानी हत्या भएको बीबीसीले जनाएको छ ।
लागूऔषध तस्करको समूहले उनीहरुमाथि गोली प्रहार गरेको जनाइएको छ । पीडित लहुबारन परिवारका सदस्य हुन् । उनीहरु मेक्सिकोका मोरमन समुदायसँग अलग भएर बनेको परिवार हो । मेक्सिकोका सुरक्षामन्त्रीले गलत पहिचानका कारण उनीहरु निसाना बनाइएको हुन सक्ने आशंका व्यक्त गरेका छन् ।
उत्तरी मेक्सिकोको सिनोरा राज्यमा २ ड्रग माफियाबीच लडाइँ रहेको छ । एउटा समूह ला लिनिआ जुन एउटा ठूलो ‘खुआरेज’ ड्रग्स गिरोहसँग जोडिएको छ भने अर्को समूह ‘लोस चापोस’ हो, जो सिनालोआ गिरोहको हिस्सा मानिन्छ ।
लागूऔषध तस्कर समूहको झडपको चपेटामा उनीहरु परको भन्दै राष्ट्रपति ट्रम्पले दुःख व्यक्त गरेका छन् । तस्कर विरुद्धको अभियानका लागि अमेरिका तयारी अवस्थामा रहेको उनले ट्वीटमार्फत बताएका छन् ।
A wonderful family and friends from Utah got caught between two vicious drug cartels, who were shooting at each other, with the result being many great American people killed, including young children, and some missing. If Mexico needs or requests help in cleaning out these.....
— Donald J. Trump (@realDonaldTrump) November 5, 2019
