जबरजस्ती करणी गरेको अभियोगमा मकवानपुर प्रहरीले १ जना पुरुषलाई पक्राउ गरेको छ । बोल्न नसक्ने (अपाङ्ग) महिलालाई करणी गरेको अभियोगमा मकवानपुरको हेटौंडा उपमहानगरपालिका–११ घर भएका ४५ वर्षीय जेठा मोक्तान भनिने जयबहादुर मोक्तान पक्राउ परेका हुन्।

प्रहरीका अनुसार जयबहादुरले ४८ वर्षीया अपाङ्ग महिलालाई उनकै घर नजिकको आँप घारीमा लगेर बलात्कार गरेका थिए ।जयबहादुर अपाङ्ग महिलालाई बलात्कार गरिरहेको अवस्थामा फेला परेपछि स्थानीयले प्रहरीलाई खबर गरेका थिए ।

स्थानीयको सूचनाअनुसार जिल्ला प्रहरी कार्यालय हेटौंडाबाट खटिएको टोलीले जयबहादुरलाई बिहीबार साँझ उनकै घरबाट पक्राउ गरेको हो ।पक्राउ परेका जयबहादुरमाथि थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।