डोल्पाः हिमपातका कारण डोल्पाका विद्यालयहरुमा वार्षिक परीक्षा स्थगित भएको छ । ठूलीभेरी नगरपालिकाका एक आधारभुत र चार माध्यमिक विद्यालयको वार्षिक परीक्षा स्थगित भएको हो ।

शुक्रबार बिहानैदेखि लगातार भइरहेको हिमपातसँगै बढेको अत्याधिक चिसोका कारण थरगाउँस्थित लक्ष्मी मावि, माझफालस्थित विद्यामन्दिर मावि,दुनैको सरस्वती मावि, जुफालको आदर्श मावि र शुभकामना आधारभुत विद्यालयको नेपाली विषयको परीक्षा स्थिगत भएको ठूलीभेरी नगरपालिका कार्यालयले जनाएको छ ।

हिमपातका कारण नगरपालिकाभित्र पर्ने केही विद्यालयहरुमा परीक्षानै स्थगित गर्नुपर्ने भएकाले अन्य विद्यालयको परीक्षा समेत स्थगित गरिएको नगरपालिकाका शिक्षा शाखा प्रमुख दिलप्रसाद रोकायले जानकारी दिए ।

सबै विद्यालयको प्रश्नपत्र एउटै भएकाले केहीमा परीक्षा सञ्चालन गर्ने र केहीमा स्थगित गर्नु प्राविधिक समस्या रहेको बताइएको छ ।  

डोल्पा परीक्षा स्थगित