भारत लैजाँदै गरेका १९ बालकको जमुनाहा नाकाबाट उद्दार
बाँकेः जुम्लाको सिँजा गाउँपालिका–३ नराकोटका १९ जना बालकलाई भारत लैजाँदै गरेको अवस्थामा उद्दार गरिएको छ । उनीहरुलाई नराकोटकै २० वर्षका रणबहादुर सार्की र २४ वर्षका विवेक सार्कीले दुईवटा अटो रिक्सामा भारत लैजाँदै गर्दा शनिबार राति जमुनाहा नाकाबाट उद्दार गरिएको हो ।
सिविन नेपालगन्जका संयोजक सिद्धराज पनेरुका अनुसार उद्दार गरिएका बालकमा ९ वर्षदेखि १७ वर्षका छन् । सबैभन्दा बढी १६ वर्षका ७ जना छन् ।
१७ वर्षका ६ जना, १४ वर्षका २ जना र १३, १२, ११ र ९ वर्षका १÷१ जना छन् । एकजना बुढा बाहेक सबै सार्की हुन् ।
जुम्ला बालक उद्दार जमुनाहा नाका
