सिन्धुपाल्चोक । सिन्धुपाल्चोकको ६ किलोमा आज विहान भएको बस दुर्घटनामा मृत्यु हुनेको संख्या १४ पुगेको छ । दुर्घटनामा १८ जना यात्रु घाइते भएका छन् ।

बा ४ ख ४४६८ नम्बरको बस लामोसाँघु–जिरी सडकखण्डको ६ किलोमा आज विहान दुर्घटना भएको हो । लामोसाँघु–चरिकोट सडकखण्डमा पर्ने सुनकोशी–७ मा सडकबाट करीब ३ सय मिटर तल खसेर दुर्घटना भएको प्रहरीले जनाएको छ ।

६ किलो मोडबाट पल्टिएको बस तल सडकमै पुगेको थियो । दाेलखाको कालिन्चोक भगवतीको दर्शन गरेर भक्तपुर फर्किदै गरेको बस दुर्घटना भएको हो । मृतकमध्ये दोलखा भीमेश्वर नगरपालिकाकी जुनुु तामाङको मात्र सनाखत भएको छ ।

घाइतेमध्ये अधिकाँशको अवस्था गम्भीर रहेको प्रहरीले जनाएको छ । बसमा कुल ३२ जना सवार रहेको प्रहरीले जनाएको छ । बस क्षतविक्षत अवस्थामा छ ।