काठमाडौं । काठमाडौंको स्वीचाटारबाट प्रहरीले  ९ जना जुवाडेलाई पक्राउ गरेको छ । महानगरीय प्रहरी प्रभाग स्वीचाटारबाट खटिएको प्रहरी टोलीले बुधबार उनीहरुलाई पक्राउ गरेकाे हाे।

काठमाडौंको नागार्जुन नगरपालिका-९ स्विचाटार स्थित सिताराम बुढाथोकीको घरमा जुवातास खेलीरहेको अवस्थामा १ लाख ७ हजार ५ सय १० रूपैयाँ नगदसहित उनीहरुलाई पक्राउ गरेको प्रहरीले जनाएको छ ।

बुढाथोकी सहित ९ जनालाई उक्त रकमसहित नियन्त्रणमा लिएर आवश्‍यक अनुसन्धान गरिरहेको जनाएको छ । यसअघि पनि प्रहरीले राजधानीकाे विभिन्न क्षेत्रबाट जुवाडेहरु पक्राउ गरेकाे थियाे।