काठमाडौं– काठमाडौंको नागार्जुन नगरपालिका–४ सीतापाइलामा आगलागी भएकाे छ।प्रहरीका अनुसार बाफल क्षेत्रमा रहेकाे आैषधि गोदाममा आगलागी भएको हाे।

लामखुट्टे मार्न प्रयोग हुने झोल पदार्थ (किटनाशक औषधि) उत्पादन गर्ने कम्पनीको गोदाममा आगलागी भएको महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीले जानकारी दिए ।

उनका अनुसार अहिले जुद्ध वारुण यन्त्र, काठमाडौं महानगरपालिकालगायतबाट ४ वटा दमकल मगाएर आगो निभाउने प्रयास भइरहेको छ। अग्नी नियन्त्रक, सुरक्षाकर्मी र स्थानीयको प्रयासमा आगलागी लगभग नियन्त्रण हुने अवस्थामा रहेको प्रहरीले जानकारी दिएकाे छ।