कैलाली : प्रहरीले लुटपाटमा संलग्न पाँचजना पक्राउ गरेको छ। पक्राउ परेकाहरुले ६ पुसमा गोदावरी नगरपालिका गेटाबाट धनगढी आउँदै गरेका गेटा बिस्कुट फ्याक्ट्रीका सिनियर बजार प्रतिनिधि सुमित भट्टको बा. १८ च ९६४३ नम्बरको कार रोकेर लुटपाट गरेको जिल्ला प्रहरी कार्यालय, कैलालीका प्रवक्ता प्रहरी नायब उपरीक्षक दक्षकुमार बस्नेतले बताए।

पक्राउ पर्नेहरुमा कञ्चनपुरको भीमदत्त नगरपालिका–१४ का १८ वर्षीय अजय भण्डारी, सोही नगरपालिकाका–३ बस्ने २१ वर्षीय गौरब चन्द, वडा नम्बर ४ का २६ वर्षीय चिरण बम छन्।

त्यस्तै कृष्णपुर नगरपालिका–१ का १९ वर्षीय नरेन्द्र साउँद, कृष्णपुर नगरपालिका घर भई धनगढी उपमहानगरपालिका–३ बस्ने २० वर्षीय प्रदीप ऐर र दार्चुलाको मार्मा गाउँपालिका–२ घर भइ धनगढी बस्ने १८ वर्षका पारस सिंहलाई पनि प्रहरीले सँगै पक्राउ गरेको छ।