आफ्नै साथीको छोरीलाई अनैतिक कार्य गर्न खोजेर जागिरबाट हात धोएका महासेनानी प्रेम थापापछि पूर्वी पृतना इटहरीका लेफ्टिनेन्ट कर्णेल सनिजकुमार रेग्मी आफू मातहतकी जमदार संवेदनशील अंग मुसारेको अभियोगमा बर्खास्त भएका छन् । त्यस्तै मेकानिकल इन्जिनीयरिङतर्फ धनगढीमा कार्यरत एकजना मेजरले सेनाभित्रकै एकल महिलासंग फेसबुकमा नांगिने क्रममा उनकी छोरीको उजुरीका कारण घटुवामा परेपछि राजीनामा दिएका छन् ।

सैनिक हस्पिटल छाउनीमा कुमाल थरकी महिला सिपाहीसंग शारीरिक सम्पर्क राख्ने जमदार उत्सव महरासहित दुई जनाको पनि जागिर जानुका साथै ३, ३ महिनालाई जेल चलान गरिएको छ । सेनामा प्लेब्वाई उपनामले चर्चित महासेनानी दीप सिंहले भने भर्खरै राजीनामा दिएका छन् । अझै तीन वर्ष सेवा अवधि बाँकी छँदै किन राजीनामा दिए होलान ? बुझ्न कठिन छैन । 

यसैबीच पूर्वसेनापति रुक्मांगद् कट्वालको छोरा प्रमुख सेनानी सुमांगत कट्वालको शैक्षिक प्रमाणपत्रमा खोट देखिएर जागिर गएपछि इण्डियाबाट सर्टिफिकेट ओसार्ने अन्य अधिकृतलाई पनि खतराको घण्टी बजेको छ । यसै सिलसिलामा प्रमुख सेनानी अमरसिंह थापा र सुजित खडकाको जागिर जाने पक्का भएको चर्चा छ । जमाना कहाँबाट कहाँ पुगिसक्यो, नेपाली सेनामा चाहिँ बल्ल आफ्ना मेसमा दाउराको चुलो र स्टोभ हटाउने निर्णयमा पुगेको छ । माघ १ गतेदेखि सेनाको भान्सालाई मटितेल र दाउरामुक्त अनि ग्यासबाट चल्ने बनाउन लागिएको हो । संगै जवानदेखि उच्ततहका हाकिमसम्मले अनुभूति गर्ने गरी शाकाहारी र मांशाहारीको राशन स्केल हेरफेर गरिँदैछ । 

सैनिक कर्मचारीको स्वास्थ्य सेवालाई विकेन्द्रित गर्ने गरी आउने शिवरात्री (सेना दिवस) भित्र इटहरी, पोखरा र नेपालगञ्जमा सैनिक अस्पतालको सेवा शुरुवात गर्ने तयारीमा जंगी अड्डा जुटेको छ । त्यसका लागि निरीक्षणधिकृत अशोक सिग्देल र तीनतारे जर्नेल शरद गिरीहरु गत साता रातारात उपत्यका बाहिर निस्किएका छन् । जनआस्था साप्ताहिकबाट साभार ।
 

महासेनानी सैनिक