दाङ – दाङको बबई गाउँपालिकाका अध्यक्ष भुवनेश्वर पौडेलको घरमा अज्ञात समूहले हतियार देखाएर खानतलासी गरेको छ। बिहीबार बिहान सवा पाँच बजे उक्त समूहले पेस्तोल देखाएर अध्यक्षकी श्रीमती कमला पौडेलमाथि हातपात गरेका थिए।

उनीहरूले पेस्तोल देखाउँदै ‘तेरो श्रीमान् कहाँ छ’ भन्दै घर खानतलासी गरेका थिए।गाउँपालिकाका प्रवक्ता टङ्कराज विश्वकर्माले अध्यक्षको घर खानतलासी गर्न संलग्नलाई कारबाही गर्न गृह प्रशासनसँग माग गरेका छन्।

उनले बिहीबार विज्ञप्ति निकालेर यस्ता हर्कत र कायरपना प्रति गाउँपालिका परिवार खेद प्रकट गरेको उल्लेख गरेका छन्। हतियारधारी चार जनाको भने पहिचान खुलेको छैन। प्रहरीले घटना बारे अध्ययन गरिरहेको छ।