पर्सा – चार लाख रुपैयाँसहित दुई जना भारतीय हुण्डी कारोबारीलाई पर्सा प्रहरीले पक्राउ गरेको छ। पक्राउ पर्नेमा रक्सौल भारतका सुशीलकुमार शर्मा र सरोजनी कुमारी रहेका छन्।

ना२९प ४४९५ नम्बरको मोटरसाइकलमा आएका उनीहरूलाई वीरगन्ज-१६ रजतजयन्ती चोकमा चेकजाँच गर्ने क्रममा पक्राउ गरिएको पर्साका प्रहरी उपरीक्षक सोमेन्द्रसिंह राठौरले बताए।

पर्सा आदर्शनगरको आकृति कस्मेटिक पसलका सञ्चालकलाई दिन भनी उक्त रकम ल्याइएको बुझिएको छ। प्रहरीले सञ्चालक राजकुमार अग्रवाललाई पनि पक्राउ गरेको छ।