जनकपुर - बलात्कार प्रयास गरेको आरोपमा एकजनालाई प्रहरीले पक्राउ गरेको छ। धनुषा औरही गाउँपालिका झटियाही निवासी ३८ वर्षीय रामकुमार यादवलाई पक्राउ गरिएको जिल्ला प्रहरी कार्यालय धनुषाले जानकारी दिएको छ।

पीडित महिलाले गाउँकै चौरमा घाँस काटिरहेका बेला बलात्कार गर्ने प्रयास गरेको र आफूले प्रतिकार गरेर चिच्याउँदा स्थानीयहरुले बचाएको बताइन्। आरोपीलाई स्थानीयले नियन्त्रणमा लिई आवश्यक कारवाहीका लागि प्रहरीको जिम्मा लगाएका थिए।

जिल्ला प्रहरी कार्यालय धनुषाका अपराध तथा अनुसन्धान शाखाका इन्चार्जसमेत रहेका प्रहरी निरीक्षक उमाशंकर प्रसाद शाहले पीडित महिलाको स्वास्थ्य परिक्षणका लागि प्रादेशिक अस्पताल जनकपुर पठाइएको र आरोपितलाई नियन्त्रणमा लिई अनुसन्धान प्रक्रिया अघि बढाइएको जानकारी दिए।