धरान ।  धरान उपहानगरपालिका वडा नम्बर ७ को उपचुनावमा नेकपाका जीवन सुवेदी १ मतले विजयी भएका छन् । धरान उपहानगरपालिको मेयर र वडाध्यक्ष दुवैमा नेपाली कांग्रेसले जितेको भनेर बिजय जुलुस पनि हुँदै थियो।  

तर एकाएक वडा नम्बर ७ को वडाध्यक्षमा नेकपाका सुवेदीले एक मतले जितेको आधिकारिक घोषणापछि अबिर माला लगाएर विजयोत्सवमा रहेका कांग्रेसका सुवर्ण पालिखेले माला फुकाल्नुपर्‍यो । विजय उत्सव मनाइसकेपछि उनी एक मतले हारेको जानकारी निर्वाचन आयोगले गराएपछि उनले अबिर पुछेर माला फुकालेका हुन् ।

यसअघि बदर भनिएको मत पुनः जाँच गर्दा सदर भएपछि नेकपाका जीवन सुवेदी ६२२ मतले बिजयी भएका हुन । पालिखेको ६२१ मत आएको छ ।  कांग्रेसले परिणाम अस्वीकार गर्दै पुनः मतगणनाको माग गरेको छ ।