सल्यानः सल्यानमा घोडाले हान्दा एक बालकको ज्यान गएको छ । जिल्लाको बनगाड कुपिण्डे नगरपालिका–१ खहरेखोलाका ८ वर्षिय राजु बुढाको घोडाले हान्दा ज्यान गएको हो । 

शुक्रबार साँझ घोडाले हान्दा घाइते भएका बुढाको उपचारको क्रममा मेहलकुना अस्पतालमा मृत्यु भएको जिल्ला प्रहरी कार्यालय सल्यानले जनाएको छ ।

छिमेकीको घरबाट खेलेर फर्किने क्रममा चरी रहेको घोडाले लात्ती हानेको थियो । मृत्तक बुढा श्री उज्ज्वल स्टार बोडिङ स्कुल सल्लीबजारमा कक्षा ३ मा पढ्दै आइरहेका थिए । उनको शव पोष्टमार्टमका लागि सल्यान जिल्ला अस्पताल राखिएको प्रहरीको भनाई रहेको छ ।

सल्यान घोडा राजु बुढा