काठमाडौंः इन्डियन प्रिमियर लिग (आइपीएल) को फ्रेन्चाइज टिम दिल्ली क्यापिटल्सले नेपाली लेग स्पिनर सन्दीप लामिछानेलाई सन् २०१९ मा टी–२० क्रिकेटमा सर्बाधिक विकेट लिएको भन्दै प्रशंसा गरेको छ । दिल्लीले आज सामाजिक सञ्जालमार्फत् सन्दीपको प्रशंसा गरेको हो । सन्दीप दिल्ली क्यापिटल्सका सदस्य पनि हुन् ।    

 सन् २०१९ मा टी–२० क्रिकेटमा सन्दीपले १६ खेलमा ५९ ओभर बलिङ गर्दै ३ सय ८४ रन खर्चिदै २८ विकेट लिएका छन् । त्यस्तै नेदरल्यान्डका ब्रान्डम ग्लोभरले १९ खेलमा ६५ ओभर बलिङ गर्दै ४ सय ४८ रन खर्चेर २८ विकेट लिएका छन् । करण केसीले १९ खेलमा ६५ ओभरमा बलिङ गर्दै कुल ४ सय ७६ रन खर्चेर २८ विकेट लिएका छन् । आयरल्यान्डका मार्क आदिर र नेदरल्यान्डका पल भान मार्करेनले समान २७ विकेट लिएका छन् ।

अफगानिस्तानका स्पिनर राशिद खानले १० खेलमा २० विकेट लिदै १९ औं स्थानमा छन् । सन् २०१९ मा सर्वाधिक विकेट लिने शीर्ष ४० खेलाडीमा टेष्ट राष्ट्रका ६ खेलाडीमात्रै अटाएका छन् । १७ खेलमा १६ विकेट लिएका अविनाश बोहरा ३५ औं स्थानमा छन् । 

दिल्ली क्यापिटल्स आइपीएल