काठमाडौँ । नेपाली कांग्रेसका नेता प्रेमराज राईको ७२ बर्षको उमेरमा निधन भएको छ ।

नेपाली कांग्रेस ओखलढुंगाका पूर्वसभापतिसमेत रहेका राईको उपचारका क्रममा मंगलबार बिहान मनमोहन मेमोरियल सामूदायिक अस्पतालमा निधन भएको हो।

लामो समयदेखि कजेलोको क्यान्सरबाट पीडित राइको निधनपछि काग्रेस वरिष्ठ नेता रामचन्द्र पौडेल, महामन्त्री शशांक कोईराला, नेताहरु डा प्रकाशशरण महत, दिलेन्द्र बढु लगाएत अस्पताल पुगी श्रद्धाञ्जली अर्पण गरेका छन । 

उनको पार्थिव शरिरलाई ओखलढुङ्गा लैजाने र ओखलढुङ्गामा नै अन्तिम संस्कार गरिने पारिवारिक श्रोतले जनाएको छ । ओखलढुंगा कांग्रेसका पूर्वसभापति राई नेपाली कांग्रेसका पूर्वमन्त्री एवम् केन्द्रीय सदस्य स्वर्गीय बलबहादुर राईका जेठा छोरा हुन्।

प्रेमराज राई नेता नेपाली कांग्रेस