काठमाडौं । काठमाडौं सोह्रखुट्टेमा एक पानी बोक्ने ट्यांकरले गाडीलाई ठक्कर दिएको छ । आज बिहान गोल्फुटारबाट आइरहेको बा ३ ख ९४५० नम्बरको ट्यांकरले ६ वटा गाडीलाई ठक्कर दिएको हाे।

ओरालोमा ब्रेक फेल भएपछि पाँच गाडी र एक मोटरसाइकललाई ठक्कर दिएको प्रहरीले जनाएकाे छ।

ठक्कर पश्चात ट्यांकर वीरबहादुर तामाङ र विषयजंग गुरूङको घरमा ठोक्किएको थियो । ट्यांकर ठोक्किएको घरमा सामान्य क्षति भएको प्रहरीले जनाएको छ ।

प्रहरीका अनुसार ट्यांकरले चार वटा कार, एक बस र एक मोटरसाइकललाई ठक्कर दिएको हो । मोटरसाइकल चालकलाई सामान्य चोट लागेको महानगरीय प्रहरी वृत्त सोह्रखुट्टेले जनाएको छ । ट्यांकर चालक भने फरार छन् ।