फिदिम। लेलुङ गाउँपालिका ३ मेमेङमा घरमा आगलागी हुँदा ८५ वर्षीया वृद्धा जलेर मृत्यु भएको छ । सोमबार राती करिब ११:३० बजेतिर घरमा आगलागी हुँदा जलेर टंकरानी थाम्सुहाङको मृत्यु भएको प्रहरीले जनाएको छ।

टंकरानीको घरमा आगलागी भएको देखेपछि स्थानीयले नियन्त्रण गर्ने प्रयास गरेका थिए । तर, आगोले ठूलो रुप लिएपछि  नियन्त्रणको प्रयास असफल भयो ।  स्थानीय गणेश थाम्सुहाङका अनुसार आगोले घर खरानी भएपछि टंकरानीलाई खोजी गर्दा उनी पनि जलेर खरानी भएको अवस्थामा भेटिएको हो । 

टंकरानी घरमा एक्लै बस्ने गर्थिन्। जाडोको सिजन भएकाले उनले आगो तापेर रात कटाउने गरेकी थिइन् । आगो ताप्ने क्रममा उनको शरीरमा आगो सल्किएपछि घरमा पनि आगो लागेको हुनसक्ने प्रहरीको अनुमान छ। 

आगलागी वृद्धाको मृत्यु