काठमाडौंः गृह मन्त्रालयले संघीय प्रहरी कार्यालय धरानमा कार्यरत वरिष्ठ प्रहरी उपरीक्षक (एसएसपी) सौरभशमशेर जबरालाई छानविन गरी कारबाही गर्न प्रहरी प्रधान कार्यालयलाई पत्राचार गरेको छ । एक महिलाको उजुरीको आधारमा मन्त्रालयले प्रारम्भिक छानविन गरी प्रहरी प्रधान कार्यालयलाई पत्राचार गरेको हो ।

आफ्नो घर बिगारेको र मार्ने धम्की दिएको भन्दै महिलाले राणाविरुद्ध गत २७ कात्तिकमा गृह मन्त्रालयमा उजुरी दिएकी थिइन् । राणाले अर्की एक महिला प्रहरीमाथि दुर्वयवहार गर्दै आएकोसमेत उजुरीमा उल्लेख छ ।

सोही घटना सार्वजनिक गरे मारिदिने धम्की दिएको उजुरीमा उल्लेख छ । उजुरी परेपछि गोप्य रुपमा छानविन गरेको थियो । छानविनका क्रममा एसएसपी राणा काममा भन्दा  पार्टीमा रमाइलो गर्ने र सुनसरी क्षेत्रका खराब मान्छेसँग संगत रहेको पाइएको गृहका एक अधिकारीले बताए । यो खबर आजको नयाँ पत्रिका दैनिकबाट लिइएको हो ।  

गृह मन्त्रालय सौरभशमशेर जबरा