नवगठित राप्रपा (संयुक्त) का दुवै अध्यक्ष पशुपतिशम्शेर राणा र डा. प्रकाशचन्द्र लोहनीले पदभार ग्रहण गरेका छन् । पार्टी कार्यालय चाबहिलमा बुधबार एक कार्यक्रमकाबीच राणा र लोहनीले पदभार ग्रहण गरेका हुन् । पद बहालीसंगै दुवै अध्यक्षले केन्द्रीय सचिवालय संचालन समिति र केन्द्रीय सञ्चार समिति गठन गरेका छन् । 

 

नेता धुव्रबहादुर प्रधानको संयोजकत्वमा ५ सदस्यीय केन्द्रीय सचिवालय संचालन समिति गठन गरिएको छ भने राजेन्द्र गुरुङको संयोजकत्वमा ६ सदस्यीय संचार समिति गठन गरिएको छ । 

 

केन्द्रीय सचिवालयमा भरतजंगम उप्रेती, मीना शाही, बाबुराम बस्नेत र रामशरण पाठक सदस्य रहेका छन् । यस्तै, संचार समितिमा किरण गिरी, जनकराज पाठक, सुगन लावती, सुदर्शन सिलवाल र रविन चामलिङ सदस्य रहेका छन् ।