काठमाडौं । अमेरिकामा एक नेपाली युवकको गोली प्रहारबाट मृत्यु भएको छ । 

अमेरिकाको केन्टकी राज्यस्थित एलिजावेद टाउनमा टी मार्ट सञ्चालन गर्दै आएका लमजुङका सुवास घलेको गोली प्रहारबाट हत्या भएको हो।
घटना गत विहिबारको हो । 

बिहिबार राति साढे ११ बजे टी मार्टमा रहेका घलेमाथि बन्दुकधारीले स्टोरमै प्रवेश गरेर गोली हानेका थिए। 

 

घलेसँगै रहेका अर्का नेपाली प्रयास बानियाँ समेत गोली प्रहारबाट घाइते भएका छन्। अहिले उनको उपचार स्थानीय लुवेल अस्पतालमा भइरहेको छ ।  घाइते बानियाँको भने नेपालको ठेगाना खुलेको छैन। 

 

त्यहाँको प्रहरीले घटनाको वास्तविक जानकारी नदिए पनि ती बन्दुकधारीसँग घलको विवाद भएको बुझिएको छ। ती बन्दुकधारी व्यक्तिले आफ्नी प्रेमिकालाई समेत गोली हानेर हत्या गरेको अन्तराष्ट्रिय संचार माध्यमहरुले जनाएका छन् । 

 

मृतक घलेका बुबा–आमा छैनन् भने एक दिदी नेपाल र अर्की दिदी बेलायतमा छिन् भने भाइ सिंगापुर रहेको बताइएको छ ।  

अमेरिका