काठमाडौं । भारतीय वायु सेनाले पाकिस्तानी भूमिमा बमबारी शुरु गरेको छ । 

 

आतंककारीको बसेको भनिएको पाकिस्तानी क्षेत्रमा भारतीय लडाकु विमानले बम खसाल्न शुरु गरेको छ । १२ वटा भारतीय लडाकु विमानहरु मंगलबार बिहान पाकिस्तानीको सीमा भित्र प्रवेश गरेर बम वर्षाउन थालेको भारतीय सञ्चार माध्यमहरुले जनाएका छन् । 

 

भारत  र पाकिस्तानबीच भएको १९७१ को युछपछि पहिलो पटक भारतीय सेना पाकिस्तानी सीमामा प्रवेश गरेर आक्रमण गरेको हो । 

 

भारत प्रशासित कश्मीरको पुलवामा जिल्लामा भएको आतंकवादी हमलामा ४४ जना भारतीय सेनाको मृत्यु भएपछि सो घटना पाकिस्तानमा लुकेर बसेको आतंकवादीले मच्चाएको भारतले दावी गर्दै आएको छ । 

 

त्यसपछि भारतले पाकिस्तानलाई विश्वबाट अलग्याइदिने चेतावनी दिएको थियो । पाकिस्तानतिर बग्ने नदीकोको पानी समेत भारतले रोक्ने निर्णय गरेको छ भने केही वस्तुमा भारतले नाकाबन्दी पनि लगाएको छ । 
 

भारत पाकिस्तान