बलिउडमा आफ्नो समयमा ‘ड्रिमगर्ल’ उपाधिले विभूषित हेमा मालिनी अहिले ७० वर्ष भइन् । राजनीतिमा लागेको थुप्रै समय भए पनि उनको चर्चा बलिउडमा हराएको छैन । हेमाको क्रेज उत्तिक्कै छ । भारतीय जनता पार्टीकी नेतृ हेमा लोकसभा निर्वाचनमा यसपटक पनि मथुराबाट चुनाव लड्दैछिन् । यो समाचार निर्वाचन भन्दा पनि उनको सम्पत्तिसँग सम्बन्धित छ । 

 

सोमबार उनले नामांकनका साथै आफ्नो नाममा भएको सम्पत्ति विवरण सम्बन्धित निर्वाचन कार्यालयमा दर्ता गराइन् । जसअनुसार उनको नाममा भारतीय रुपैयाँ १ अर्ब पच्चीस करोड बराबरको सम्पत्ति छ ।  पति धर्मेन्द्र देओलको नाममा रहेको समेत मिलाउँदा २ सय पचास करोड नाघ्छ । २०१४ को चुनावमा देओल जोडीको सम्पत्ति  १ सय ७८ करोड थियो । पति पत्नीको सम्पत्ति जोड्दा नेपाली रुपियाँ चार अर्ब बढी छ । 

 

बैंक खातामा रहेको रकम, नगद, गरगहना, व्यापार र आवासीय भवनको मूल्यांकनबाट यो राशी बराबरको रकम देखिएको हो । सन् २०१४ मा पेश गरिएको सम्पत्तिको आँकडा अहिले दोब्बर जत्तिक्कै भएको छ । आधा दशकमा हेमाको सम्पत्तिमा मात्रै ५९ करोड थपिएको छ । यसमध्ये हेमाको स्वआर्जित सम्पत्ति १ अरब १ करोड ११ लाख उल्लेख छ ।

हेमा मालिनी