‘रंगीला गर्ल’ भनेर बलिउडमा ख्याती कमाएकी कलाकार उर्मिला मातोडकर काँग्रेस पार्टीमा प्रवेश गरेकी छन् । लोकसभाको चुनाव नजिकिँदै गर्दा सेलिब्रेटीलाई चुनावी मैदानमा उठाउने दलहरुको प्रतिस्पर्धा चलिरहँदा उर्मिलाको खबर सार्वजनिक भएको हो । भारतीय काँग्रेस अध्यक्ष राहुल गान्धीले उर्मिलालाई आफ्नो पार्टीमा प्रवेश गराएका हुन् । 

 

कलाक्षेत्रबाट अलग रहेकी उर्मिलाको आकस्मिक पार्टी प्रवेशले धेरैलाई झड्का लागेको छ । किनकि धेरैका लागि यो अनपेक्षित खबर थियो । उनलाई मुम्बईको कुनै क्षेत्रबाट चुनावमा उठाइने आंकलन गरिँदैछ । एक दशक कान्छो कस्मिरी व्यापारी मोहसिन अख्त मीरसंग विवाह गरेपछि ओझेल परेकी उर्मिलाको आकस्मिक निर्णयले बलिउड तातेको छ । थाहा छैन्– चुनावी तिथि नजिकिँदै गर्दा अरू कति यस्ता खबर सार्वजनिक हुने हुन् ?

भारतीय कांग्रेस उर्मिला मातोडकर