नेपाल सरकार अर्थ मन्त्रालका २२ जना कर्मचारीको तेस्रो टोलीले भारतमा आफ्नो तालिमलाई निरन्तरता दिइरहेको भारती दूतावासले जनाएको छ । मंगलबार प्रेस विज्ञप्ती जारी गर्दै दूतावासले ‘इन्स्टिच्यूट अफ गभर्मेन्ट अकाउन्ट्स एन्ड फाईनान्स’(आइएनजिएफ)  मा सञ्चालन भइरहेको तालिममा नेपाल सरकारका कर्मचाीहरू फागुन २० गर्ते देखि सहभागी हुँदै आएका हुन् । 

 

उक्त तालिम भारत सरकार विदेश मन्त्रालयको ‘भारतीय प्राविधिक तथा आर्थिक सहकार्य कार्यक्रम’ अन्तर्गत सञ्चालन भइरहेको हो । 
कूल ६२ कर्मचारीलाई प्रदान गरिने यस विशेष तालिम नेपालको अर्थ मन्त्रालयको अनुरोध तथा आवश्यक्ता अनुरूप तयार पारिएको हो । तालिमले विद्युतीय भुक्तानी, लेखाविधि तथा रकम व्यवस्थापन , सार्वजनिक ऋण प्रणाली, वैदेशिक ऋण/अनुदान तथा प्रतिदानको लेखाविधि, पेन्सन भुक्तानी प्रणाली, आन्तरिक लेखापरिक्षण, आर्थिक जिम्मेवारी तथा बजेट व्यवस्थापन आदि विषयहरुमा चलिरहेको विश्वव्यापी अभ्यासबारे सहभागीहरुको क्षमता अभिवृद्धि गर्नेछ । 

 

यस अघि ४० नेपाली कर्मचारीहरुले (दुई टोलीका २०–२०) आफ्नो १० दिने तालिम सफलतापूर्वक सम्पन्न गरेका थिए ।
हाल तालिम प्रदान गरिरहेको उक्त तालिम केन्द्र(आइएनजिएफ) विभिन्न अन्तराष्ट्रिय शैक्षिक संघसंस्थाहरूसँग पनि आबद्ध रहेको विज्ञप्तीमा उल्लेख गरिएको छ । 
 

तालिम भारत सरकारी कर्मचारी