सोलुखुम्बु । सोलुखुम्बुबाट काठमाडौका लागि छुटेको जीप बिहीबार सिन्धुलीमा दुर्घटना हुँदा ६ जना घाइते भएका छन् । सोलुखुम्बुको नेलेबाट यात्रु लिएर काठमाडौका लगि छुटेको ना १ ज ७०९४ नम्बरको सुमो जीप मध्यपहाडी लोकमार्गमा बससँग ठोक्किँदा ६ जना घाइते भएका हुन् ।  

 

घाइते हुनेमा सोलुखुम्बु थुलुङदुधकोशी गाउँपालिका वडा न–१ बस्ने वर्ष ८० की देउ कुमारी खत्री, त्यही ठाउँकी ३८ बर्षीया कृष्ण कुमारी खत्री, सोलुखुम्बुकै २२ वर्षीया धनकुमारी सार्की, ४५ वर्षीया जाङ्म्मु शेर्पा, उनको छोरा ३ वर्षीय साङ्गे शेर्पा र सुमोका चालक सिन्धुपाल्चोक लिसङखु गाउँपालिका–५ का २४ वर्षीय राजेन्द्र बानियाँ घाइते भएको प्रहरीले जनाइएको छ । घाइतेहरुको अवस्था समान्य रहेको र उनीहरुको उदयपुर घुर्मीमा रहेको आस्था लाइफ केयर सेन्टरमा उपचार भैरहको जिल्ला प्रहरी कार्यालयले जनाएको छ ।  

जीप र बस ठोक्किए