मोरङ । पूर्वराजा ज्ञानेन्द्र शाहको सुरक्षाका लागि प्रयोग भएको गाडीले ठक्कर दिएर एक जनाको मृत्यु भएको छ। पूर्वराजा शाहलाई बुधबार राति विराटनगर विमानस्थल पुर्‍याएर फर्किएको गाडीले ठक्कर दिँदा एक जनाको मृत्यु भएको छ भने एक जना घाइते भएका छन् ।

बा३च ७९६२ नम्बरको कारले को१५प ९९७९ नम्बरको मोटरसाइकललाई मोरङको सुन्दरहरैंचा ४ बुधबारेमा ठक्कर दिएको थियो । कारको ठक्करबाट मोटरसाइकल चालक ईटहरी उप–महानगरपालिका ८ बस्ने वर्ष २२ को प्रकाश चौधरी र मोटरसाइकलको पछाडि सवार वर्ष २२ को हेम चौधरी गम्भीर घाइते भएका थिए ।

घाइते हेमको उपचारको उपचारको क्रममा नोबेल अस्पतालमा मृत्यु भएको इलाका प्रहरी कार्यालय बेलवारीले जनाएको छ । प्रकाश चौधरीको भने सोही अस्पतालमा उपचार भइरहेको छ । ठक्कर दिने गाडी सशस्त्र प्रहरी बलका जवान दीपेन्द्रप्रसाद लम्सालले चलाएका थिए । उनी अहिले प्रहरी नियन्त्रणमा रहेको प्रहरीले जनाएको छ।

दुर्घटना पूर्वराजा ज्ञानेन्द्र शाह