काठमाडौं । नेपालको अन्तराष्ट्रिय व्यापार घाटा झन् झन् बढ्दै गएको छ । गत आर्थिक वर्ष २०७२/७३को तुलनामा चालु आर्थिक वर्ष २०७४/७५ को अन्तराष्ट्रि व्यापार घाटा ६३.९२ प्रतिशतले बढेको हो । 

 

५६औं महालेखापरीक्षणको प्रतिवेदनले विलासिताको वस्तुका साथै अन्तराष्ट्रिय उत्पादनको उच्च आयात र न्यून निर्यातका कारण अन्तराष्ट्रिय व्यापार घाटा झन् झन् चुलिदै गएको देखाएको छ । यसले व्यापार भूक्तानी सन्तुलनमा समेत प्रतिकुल प्रभाव पारेको प्रतेवेदनले देखाएको छ । 

 

मुलुकको व्यापार घाटा न्यून गर्न विलासिताको सामाग्रीको प्रयोगमा नियन्त्रण गर्नु पर्ने र त्यस्ता वस्तुमा लाग्ने राजस्वमा समेत पुनरावलोकन गरेर व्यापार घाटा घटाउनु पर्ने प्रतिवेदनले सरकारलाई सुझाव दिएको छ ।

 

अहिले प्रत्येक नेपालीको टाउको ३१ हजार ७ सय ५० रुपैँया ऋण पुगेको छ । महालेखा परीक्षकको कार्यालयका अनुसार एक बर्षको अवधिमा प्रत्येक नेपालीको टाउकोमा ७ हजार ४३ रुपैँया ऋण थपिएको छ ।

 

जसमध्ये आन्तरिक ऋण ३ खर्ब ९१ ऋर्ब १६ करोड र वैदेशिक ऋण ५ खर्ब २४ अर्ब १५ करोड रहेको छ । ऋण दायित्व गतबर्षको तुलनामा ३१.१९ प्रतिशत अर्थात २ खर्ब १७ अर्ब ६२ करोडले वृद्धि भएको हो।

अर्थ मन्त्रालय