काठमाडौं । हुरीबतासका कारण बारा र पर्सामा उत्पन्न संकटको मिलेर सामना गर्न विश्व हिन्दु महासंघ अन्तर्राष्ट्रियले आग्रह गरेको छ । 

 

महासंघका महासचिव अस्मिता भण्डारीले विपद्को घडीमा तन,मन,धन, वचन र कर्मले समस्यामा परेका नागरिकहरुलाई मानवीय सहायता पुर्‍याउने सबैमा अपिल गरेकी छिन् । महासंघमा आवद्ध सम्पूर्ण सदस्यहरुलाई यो दुःखद घडीमा एकताबद्ध भएर सहयोगका लागि परिचालित हुन महासचिव भण्डारीको आग्रह छ । 

 

आइतबार साँझको हुरीबतासमा परेर बारा र पर्सामा २७ जनाको ज्यान गएका छ भने चार सय भन्दा बढी घाइते भएका छन् । महासचिव भण्डारीले मृतकहरुप्रति श्रद्धाञ्जलि अर्पण गर्दै घाइतेहरुको शीघ्र स्वास्थ्यलाभको कामना गरेकी छिन् ।