वीरले खरिद गरेको अत्याधुनिक सेवा सहितको एम्बुलेन्स ट्रमालाई, अर्को एक किन संसद भवनमा ?
काठमाडौँ । राष्ट्रिय ट्रमा सेन्टरलाई अत्याधुनिक सेवा सुविधा सहितको आधुनिक एम्बुलेन्स प्रदान गरिएको छ । सामान्य एम्बुलेन्सले काम चलाउँदै आएको ट्रमाले हस्पिटल संचालनमा आएको ३ वर्षपछि बल्ल नयाँ एम्बुलेन्स पाएको हो ।
ट्रमाले पाएको उक्त एम्बुलेन्स ट्रमा आफैले खरिद गरेको नभई वीर अस्पताले खरिद गरि प्रदान गरिएको हो ।
वीर अस्पतालले खरिद गरेको ३ वटा अत्याधुनिक सेवा सहितको एम्बुलेन्स मध्ये एउटा राष्ट्रिय ट्रमा सेन्टरलाई दिइएको हो ।
यस्तै एउटा वीरले नै राख्ने छ भने अर्को एउटा संसद भवनमा राख्ने सरकारले निर्णय गरेको छ ।
देशको एक मात्रै ट्रमा सेन्टरमा यस भन्दा पहिला अक्सिजन मात्रै जोडिएको सामान्य एम्बुलेन्स संचालन हुँदै आइरहेको थियो । सो एम्बुलेन्स भारतीय राजदूतवासले ट्रमा सेन्टरको आधिकारिक उद्घाटनको समयमा प्रधानमन्त्री नरेन्द्र मोदीले हस्तान्तरण गरेका थिए ।
नयाँ “क” वर्गको एम्बुलेन्समा दुई वटा अक्सिजनको सिलिण्डर, आगो निभाउने मेसिन, भेन्टिलेटर, स्ट्रेचर, व्हीलचियर, वासिङ, ड्रेसिङ, लगायतका सुविधानहरु रहेका छन् ।
इन्डीयन फोर्सको नयाँ एम्बुलेन्समा सामान्य अप्रेशन सम्म गर्न मिल्ने सुविधाहरु जोडिएको छ ।
नयाँ एम्बुलेन्समा गम्भीर बिरामीलाई अस्पताल ल्याउँदै गर्दा बाटोमा उपचार गर्न पनि सकिने सुविधा रहेको छ ।
सो एम्बुलेन्समा हेल्थ असिसटेन्ड अनिवार्य बस्नु पर्ने छ भने बिरामी लिनको लागि धेरै पटक डाक्टर आफै पनि एम्बुलेन्समा गइसकेका छन् ।
महत्वपूर्ण स्वास्थ्य सेवा दिने ट्रमा सेन्टरले आफैले भने हालसम्म पनि एम्बुलेन्स खरिद गर्न सकेको छैन।
राष्ट्रिय ट्रमा सेन्टर
