लहान । चीनसँग सम्झौता गरेर प्रदेश २ सरकारले कृषि परियोजना संचालन गर्न लागेको भन्दै  सिरहाको लहानमा प्रदर्शन भएको छ । स्थानीय युवा, विद्यार्थी , किसान र नागरिक समाजका अगुवाहरुले चिनियाँ परियोजना संचालन नगर्न भन्दै दवाव दिनका लागि प्रदर्शन गरेका हुन् ।

 

प्रदर्शनकारीले प्रदेश सरकारले चीनबाट ऋणरुपि परियोजना ल्याउन लागेको भन्दै ल्याइए आफूहरु चरणबद्व आन्दोलनमा उत्रने बताए । लहानको पासुपती माबी बाट निकालिएको र्याली  नगरको बिभिन्न भाग परिक्रमा गर्दै शहीद  चोकमा पुगेर कोणसभामा  परिणत  भएको थियो ।

सभामा बोल्दै युवानेता नगेन्द्र कुमार यादब र सुरज कुमार साहले ऋणरुपि चिनियाँ परियोजना केन्द्रीय र प्रदेश सरकारले नरोकिए कड आन्दोलनमा उत्रने बताए ।युवा विद्यार्थीको संयुक्त आयोजनामा विरोध प्रदर्शन  भएको थियो ।