काठमाठौं : पूर्वराजा ज्ञानेन्द्र शाह तथा पूर्व महारानी कोलमराज्यक्ष्मी शाह आइतबार थाइल्याण्डको बैंकक तर्फ प्रस्थान गर्दैछन् ।

फुकेटमा अध्ययनरत नातिनी पूर्णिकाको ग्र्याजुएसन तथा उच्च शिक्षाको निरन्तरताको अवसरमा अभिभावकीय उपस्थितिका लागि पूर्वराजदम्पती त्यसतर्फ जान लागेका हुन् । उनीहरु थाइएयरको विमानमार्फत दिउँसो १ बजे त्यसतर्फ जाने निर्मल निवास सचिवालयले जनाएको छ ।

पूर्व र मध्य तराई भ्रमणपछि केही दिन आराम गरिरहेका पूर्वराजा ज्ञानेन्द्र परिवार थाइल्याण्ड भ्रमणमा जाने भएका छन् । उनी पूर्वरानी कोमल, नातिनीद्वय कीर्तिका र पूर्णिकासहित केही टोली थाइल्याण्ड जाने तयारीमा छन्। पूर्व युवरानी हिमानी, भान्छे, सुसारे र केही सहयोगीसहितको टोली थाइल्याण्ड गइसकेका छन् । 

निर्मल निवास स्रोतका अनुसार उनी करिब एक महिना बसाइँको लागि थाइल्याण्ड जान लागेका हुन्। ज्ञानेन्द्रका साथमा निजी सचिव सागर तिमल्सिना र सुरक्षा गार्ड हुनेछन् । गएको फागुनमा परिवारसहित झापास्थित आफ्नै स्वामित्वमा रहेको हिमालयन टी स्टेटमा बसेका थिए।

पूर्वराजा ज्ञानेन्द्र शाह