राष्ट्रिय जनता पार्टी अध्यक्षीय प्रणालीमा जाने भएको छ । 

राजपाको काठमाडौंमा सम्पन्न केन्द्रीय समिति बैठकले आउँदो महाधिवेशनपछि पार्टीलाई अध्यक्षीय प्रणालीमा लैजाने गरी विधान संशोधन गर्ने निर्णय गरेको छ । महाधिवेशनले अनुमोदन गरेपछि निर्णय हुने गरी विधानको धारा ३१ (१२) ले व्यवस्था गरेकोे अध्यक्ष मण्डल खारेज गरेको हो । 
केन्द्रीय समितिको कार्यकाल दुई वर्ष रहेकोमा त्यसलाई बढाएर तीन वर्ष पुर्याइएको छ । अब राजपाका सम्पूर्ण तहमा प्रतिनिधित्व गर्ने पदाधिकारीले अनिवार्य सपथ लिनुपर्ने छ । 

अब निर्वाचित पदाधिकारीहरुले माथिल्लो तहमा उम्मेद्वारी दिँदा तल्लो तहबाट  राजिनामा गर्नुपर्ने छ । 
पार्टीको चक्रिय प्रणालीअनुसार सोमबारबाट संयोजकको जिम्मेवारी अनिल झाले सम्हालेका छन् । 
 
 

राष्ट्रिय जनता पार्टी अनिल झा