पाँचथर । पाँचथरमा दुई परिवारको ९ जनाको वीभत्स हत्या भएको छ। सोमबार राति घरको ढोका थुनी उनीहरूको धारिलो हतियार प्रहारी गरी हत्या भएको हो।

घटना पाँच मिक्लाजुङ गाउँपालिका-२ आरूबोटे भन्ने ठाउँमा भएको पाँचथरका प्रमुख जिल्ला अधिकारी मुरासी वस्तीले जानकारी दिए। घटनामा दुई बालिका र दुई किशोरीको पनि हत्या भएको छ भने एक किशोरी घाइते भएकी छन्।

हत्या हुनेमा ४१ वर्षीय धनराज सेर्मा, १३ वर्षीया योवना शर्मा आठ वर्षीया मुना सेर्मा, छ वर्षीया इक्सा सेर्मा रहेका छन्। त्यसैगरी वर्षीय ७४ वर्षीय बमबहादुर फियाक, बमबहादुरकी श्रीमती, ३६ वर्षीया जस्मिता फियाक, १२ वर्षीया आशिका खुजम लिम्बूको हत्या भएको हो।

घटना पाँचथरको सदरमुकमाबाट करिब ३ घण्टाको दूरीमा रहेको छ। उनीहरूको कसले र किन हत्या गर्‍यो भन्ने खुल्न नसकेको जिल्ला प्रहरी कार्यालय पाँचथरका प्रवक्ता एवं प्रहरी निरीक्षक अनिल पौडेलले जनकारी दिए। धारिलो हतियार प्रयोग गरी वीभत्स हत्यार गरिएको अवस्थामा शव भेटिएको उनले बताए।

घटनाका क्रममा १२ वर्षीया एक किशोरी सीता खजुम हाम फालेर भाग्न खोज्दा घाइते भएकी छन्। उनीको अहिले अस्पतालमा भर्ना गरिएको छ। घटना के कारणले भयो भन्ने अनुसन्धान सुरु गरिएको जिल्ला प्रहरी कार्यालय पाँचथरले जनाएको छ।

पाँचथर हत्या