काठमाडौं । नेपाली लेग स्पिनर सन्दीप लामिछानेले यो संस्करणको क्यारेबियन प्रिमियर लिग (सीपीएल) पनि खेल्न पाउने भएका छन् । यो वर्ष उनी बार्बाडोज ट्राइडेन्टसबाट सीपीएल खेल्ने भएका हुन् । सीपीएलको ड्राफ्टमा रहेका सन्दीपलाई ट्राइडेन्टसले ७० हजार डलरमा किनेको हो । गत सिजनको सीपीएलमा उनी सेन्ट नेभिस एण्ड पेट्रिएट्समा अनुबन्ध भएका थिए । सन्दीप बाहेक दीपेन्द्रसिंह ऐरी, सोमपाल कामी र रोहितकुमार पौडेल पनि ड्राफ्टमा परेका थिए । यद्यपी, दीपेन्द्र, सोमपाल र रोहितलाई भने कुनै पनि टिमले अनुबन्ध गरेनन् र 

 

सन्दीपले गत सिजनमा प्याट्रियट्सबाट खेल्दै ५ खेलमा ७ विकेट लिएका थिए । उनलाई प्याट्रियट्सले ५ हजार अमेरिकी डलर अर्थात ५ लाख ४० हजार पारिश्रमिकमा टोलीमा अनुबन्ध गरेको थियो । सीपीएलमा ६ टिम रहेका छन् । यो वर्षको सीपीएल आउँदो जुलाई ११ देखि अगष्ट १६ सम्म वेस्ट इन्डिजमा हुँदैछ । 

क्यारेबियन प्रिमियर लिग सन्दीप लामिछाने