नेपाली हवाई आकाशमा एकछत्र उडान गरिरहेको बुद्ध एयरले सोमबारदेखि काठमाडौ– कोलकात्ता उडान गर्ने भएको छ । 
बुद्ध एयरले आईतबार पत्रकार सम्मेलन गरी उडान बारे जानकारी गराएको हो ।

पत्रकार सम्मेलनमा बुद्ध एयरका प्रबन्ध निर्देशक वीरेन्द्र बहादुर बस्नेतले सोमबार देखि काठमाण्डौ –कोलकत्ता–काठमाडौको व्यावसायिक उडान गर्न लागिएको जानकारी गराउनुभयो । 

बुद्ध एयरले सातामा तीन दिन सोमबार, बुधबार र शुक्रबार काठमाडौ कोलकात्ता उडान गर्न लागेको हो । अन्तराष्ट्रिय उडानको अभ्यासको रुपमा सुरु गर्न लागिएको काठमाण्डौ कोलकात्ता उडान सफल भए अन्य स्थानका लागि  अन्तर्राष्ट्रिय उडान सुरु गरिने प्रबन्ध निर्देशक बस्नेतले जानकारी दिनुभयो ।

हरेक सोमबार, बुधबार र शुक्रबार बिहान ८ बजे काठमाडौंबाट बुद्ध एयरको जहाज कोलकात्ताका लागि उड्ने छ  भने बिहान साढे १० बजे कोलकात्ताबाट जहाज उड्ने छ ।

यसअघि भारतका मुम्बई र बनारसमा बुद्ध एयरले आफ्नो उडान भर्दै आएको छ ।  

बुद्ध एयर काठमाडौ– कोलकात्ता