काठमाडौँ । दोस्रो कार्यकालका लागि निर्वाचित भारतीय प्रधानमन्त्री नरेन्द मोदीको सपथ समारोहमा भाग लिन प्रधानमन्त्री केपी शर्मा ओली भारत प्रस्थान गर्नुभएको छ । प्रधानमन्त्री ओली आज नयाँ दिल्लि प्रस्थान गर्नुभएको हो । 

प्रधानमन्त्री ओलीले भारतीय प्रधानमन्त्री मोदीको आज साँझ हुने सपथ ग्रहण समारोहमा सहभागिता जनाउनुहुनेछ । प्रधानमन्त्री ओलीले भारतीय प्रधानमन्त्रीसँग द्धिपक्षीय भेटवार्ता गर्ने पनि कार्यक्रम छ ।

प्रधानमन्त्री ओलीले भोलि (शुक्रबार) विहान साँढे ११ बजे समकक्षी नरेन्द्र मोदीसँग द्धिपक्षीय भेटवार्ता गर्नुहुनेछ । भारतीय प्रधानमन्त्री नरेन्द्र मोदीको कार्यतालिकामा दुइपक्षीय भेटवार्ताका लागि २० मिनेटको समय छुट्याईएको छ ।भेटवार्तामा कुनै औपचारिक सन्धि संझौता भने नहुने परराष्ट्र मन्त्रालयले जनाएको छ । 

प्रधानमनत्री ओली भोली (शुक्रबार) नै नेपाल एअरलाईन्सको ३ः४० को नियमित उडानबाट स्वदेश फर्कने प्रधानमन्त्रीको सचिवालयले जनाएको छ ।