काठमाडौँ । प्रहरीलाई घुस दिन खोज्ने एक युवकलाई अख्तियार दुरुपयोग अनुुसन्धान आयोगले पक्राउ गरेको छ । आयोगको टोलीले महानगरीय प्रहरी वृत्त थानकोटका प्रहरी निरीक्षक भुपेन्द्र गिरीलाई घुस रकम दिन खोज्ने झापाका अभिषेक कार्कीलाई बुधबार साँझ पक्राउ गरेको हो ।

कालिकोटका थुनुवा नवीन शाही ठकुरीलाई भेट्न जाँदा उनका भाइ पुजन बम ठकुरीले चाउचाउको खोलभित्र लागुऔषध ल्याएको भेट्टाएपछि प्रहरीले बमलाई पक्राउ गरेको थियो ।

यही घटना मिलाइदिनुपर्यो भन्दै कार्कीले प्रहरी निरीक्षकलाई १० हजार रुपैया दिन दिन खोजेपछि अख्तियारको टोलीले उनलाई पक्राउ गरेको हो । 

 कार्कीले प्रहरीलाई घटना मिलाइ दिन ४० हजार अफर गर्दै तत्काल १० हजार रुपैया दिन लागेका थिए ।