काठमाडौको असनचोकमा रहेको पुरातात्विक र ऐतिहासिक महत्वको घडीघर बचाउन हस्ताक्षर संकलन अभियान चलाईएको छ । 
गुठी संस्थानले पुरातात्विक र ऐतिहासिक महत्वको असनकोठी अर्थात घडीघर भत्काई अत्याधुनिक व्यावसायिक भवन निर्माणका लागि सहकारी संस्थालाई दिने सम्झौता गरेपछि स्थानीय त्यसको विरोधमा उत्रिएका हुन् ।

 
गुठी संस्थान अन्तर्गत रहेको सो घडीघरमा १४ परिवार बस्दै आएका छन् । तिनका पुर्खा पनि सोही घरमा बसेका थिए । अहिले ११ परिवारले सो घडीघरमा पसल सञ्चालन गरेका छन् भने ३ परिवारले बसोबासको रुपमामा मात्रै प्रयोग गर्दै आएका छन् । 

२०७० साल फागुन ८ गते बाल तिरुन्जेल सन्तान दरसन्तानले भोगचलन गर्न पाउने गरी आफूहरुसंग करार सम्झौता गरेको गुठीसंस्थानले थाहै नदिई व्यावसायिक प्रयोगजनको भवन निर्माणका लागि श्री बज्रयोगिनी बहुउेश्यीय सरकारी संस्थालाई २५ बर्षका लागि दिने सम्झौता गरेपछि आफूहरु आन्दोलनमा उत्रिएको सञ्जिव बज्राचार्यले बताउनुभयो ।

घडीघरको भूँईतलामा अमिताभ बुद्धको मूर्ति रहेको छ । हरेकबर्ष पञ्चदानको अघिल्लो दिन सो स्थानमा होम, यज्ञ गरेर भोज खाई पञ्चदानको दिन शाक्यमुनि बज्राचार्यहरुलाई भिक्षा दिने काम हुदै आएको छ । पुरातत्व विभागले अमिताभ बुद्धको मुर्ति ५ सय बर्ष पुरानो भएको प्रमाणित गरिसकेकाले विभागको स्वीकृति विना गुठी संस्थानले ऐतिहासिक महत्वको भवन भत्काउन नपाउने दाबी स्थानीयवासीले गरेका छन् । त्यसैगरीले उनीहरु अहिले घडीघर बचाउन हस्ताक्षर संकलनमा जुटेका हुन् ।

घडीबरबासी र अनसनका स्थानीयले गुठी संस्थानको निर्णय विरुद्ध असनमा विरोध सभा गर्दै आएका छन् । उनीहरुले कुनै पनि अवस्थामा ऐतिहासिक महत्वको घडीघर भत्काउन नदिने भन्दै प्रतिकारमा उत्रने चेतावनी दिएका छन् । घडीघरवासीले विक्रम सम्वत १८८५ र १९९० सालमा घर भत्किदा गुठी संस्थानले ‘तिमीहरु नै बस्ने हो आफै मर्मत गर’ भनेकाले आफूहरुले नै मर्मत गरेर बस्दै आएको दाबी गरेका छन् ।  
    
              

घडीघर पुरातात्विक र ऐतिहासिक