इङल्याण्डमा जारी विश्वकप क्रिकेट अन्तर्गत अष्ट्रेलियाले पाकिस्तानसामु ३०८ रनको लक्ष्य प्रस्तुत गरेको छ । 

पाकिस्तानले टस जितेर फिल्डिङ रोजेपछि अष्ट्रेलियामा ब्याटिङमा उत्रिएको थियो । धुवाँधार सुरुवात गरेको अष्ट्रेलिया मध्यक्रम र पुछारका ब्याटसम्यान नचलेपछि विशाल स्कोर खडा गर्नबाट चुकेको हो । 

कुनै समय ४ सय रनको आँकडा छुन्नेसम्मको स्थिति भएपनि पाकिस्तानी बलर मोहम्मद आमिरले शानदार बलिङ गरेपछि अष्ट्रेलिया रोकिएको हो । अष्ट्रेलियालाई बिशाल स्कोर खडा गर्न नदिन आमिर एक्लैले ५ विकेट लिए । यस्तै, शाहिन शाह अफ्रिदीले २ तथा हसन अली, वहाड रियाज र मोहम्मद हफिजले समान एक–एक विकेट लिए । 

अष्ट्रेलियाका लागि डेभिड वार्नरले १०७ रन बनाए । उनले आफनो इनिङमा १११ बल सामना गर्दै ११ चौका र एक छक्का प्रहार गरे । कप्तान फिन्च ८२ रनमा आउट भए । अन्य ब्याट्सम्यानले खासै उल्लेख्य योगदान दिन सकेनन् ।