मेलम्ची आउने नाममा उपत्यकाबासीलाई झुक्याइएको भन्दै विभिन्न संघसंस्थाले शनिबार काठमाडौंमा विरोध प्रदर्शन गरेका छन् । 
मेलम्ची आयोजनालाई तत्काल सम्पन्न गर्न ध्यानाकर्षण गराउँदै उपत्यका खानेपानी पीडित दबाब समूह, सेभ नेपाल भ्याली लगायतका संघसंस्थाले काठमाडौंको थापाथलीमा प्रदर्शन गरेका हुन् । 

मेलम्ची आउने नाममा २० वर्ष बढी समयदेखि उपत्यकाबासीहरुलाई झुक्याएको भन्दै विरोध गरिएको उनीहरुले जनाएका छन् । उनीहरुले ’पानी जसरी दिन्छौ पिउन देउ, उपत्यकावासीलाई जिउन देउ’, ‘कमिसन भागबण्डा गर्दै गर्नु, पहिले उपत्यकामा मेलम्ची झार्नु’ आदि लेखिएका प्ले कार्ड प्रदर्शन गरेका थिए । 

मेलम्चीको पानी ल्याउन सरकारले चासो नदिएको आरोप प्रदर्शनकारीको थियो । उनीहरुले अवरुद्ध भएको मेलम्ची आयोजनको निर्माणको कार्यलाई छिटो भन्दा छिटो सुरु गरि सम्पन्न गर्न नारा लगाएका थिए । 

मेलम्ची