रामेछाप । रामेछापको लिखु तामाकोशी गाउँपालिकामा यात्रुवाहक बस दुर्घटना हुँदा ६ जना घाइते भएका छन् । ओखलढुंगाको पोल्थलीबाट काठमाडौंका लागि छुटेको अरनिको यातायातको बा ३ ख ५०६७ नं बस सैपुमा दुर्घटना हुँदा ६ जना घाइते भएका हुन् । घाइते हुनेहरुमा ओखलढुंगा रगनीकी सुनीता राई, सपना राई, लिखु तामाकोशी गाउँपालिका सैपुका धनकुमारी पौडेल, टंकनाथ पौडेल, थरहरी पौडेल, सुमित्रा पौडेल रहेका छन् ।

 

उनीहरुको स्थानीय स्वास्थ्य चौकी सैपुमा प्राथमिक उपचारपश्चात दुईवटा एम्बुलेन्समार्फत धुलिखेल अस्पतालमा रिफर गरिएको स्वास्थ्य चौकी सैपुका हेल्थ असिस्टेन्ट नगेन्द्र कुँबरले जानकारी दिए । घाइतेको पाखुरा, टाउँको र खुट्टामा चोट लागेको छ । अन्य १० जनाभन्दा बढी सामान्य उपचार पछि फर्किएका छन्।  

बस दुर्घटना