भक्तपुर । वाङ्मय शताब्दी पुरुष सत्यमोहन जोशीलाई शुक्रबार भक्तपुरमा नागरिक अभिन्दन गरिएको छ । विं सं १९७७ बैशाख ३० गते ललितपुरको बखूंवहाल टोलमा जन्मनुभएका शताव्दी पुरुष जोशीले कला, साहित्य र संस्कृतिको क्षेत्रमा पु-याएको योगदानको उच्च मुल्याङ्कन गरि भक्तपुरवासीले आज नगरपरिक्रमा गरि नागरिक अभिनन्दन गरेका हुन ।

 

जोशीलाई नेवारी परम्परागत बाजागाजा सहित मध्यपुर थिमी र भक्तपुर नगरक्षेत्रको परिक्रमा गराइएको थियो । त्यसपछि एक कार्यक्रमकाबीच जोशीलाई तेजेश्वरबाबु ग्वंग, रमापतिराज शर्मा, श्रीगोपाल प्रजापति, पूर्णबहादुर वैद्य र कैलासभक्त प्रधानाङ्गले नेवारी परम्परागत रुपमा अभिनन्दन गरेका थिए ।

 

श्री सत्यमोहन जोशी नागरिक अभिनन्दन समारोह समिति भक्तपुरद्वारा आयोजित अभिनन्दन कार्यक्रममा जोशीलाई करिब ३ फिट अग्लो ताम्रापत्रले अभिनन्दन सहित सम्मान गरिएको हो ।