काठमाडौँ । भारतले चीन, मकाउ, हङकङ र पाकिस्तानलगायतका देशबाट भारत प्रवेश गर्ने नेपालीलाई भिसा अनिवार्य गरेको छ । भारत सरकारको निर्णय भन्दै दिल्लीस्थित नेपाली दूतावासले एक सूचना जारी गरी यसको जानकारी दिएको हो । दुतावासले चीन, मकाउ, हङकङ र पाकिस्तानबाट भारत प्रवेश गर्ने नेपालीका लागि भारतको भिसा आवश्‍यक पर्ने जानकारी प्राप्त भएकोले सोही बमोजिम गर्न सूचित गराएको छ ।

 

साथै भारत हुँदै तेस्रो मुलुक जाने नेपालीले दिल्लीस्थित नेपाली राजदूतावासको नो अब्जेक्सन लेटर अनिवार्य लिनुपर्ने भएको छ । साउदी अरेबिया, कुवेत, ओमान, बहराइन, कतार, कुवेत, यूएई, मलेसिया र लेबनान जान परेमा नो अब्जेक्सन लेटर लिनुपर्ने व्यवस्था लागू भएको हो ।