काठमाडौँ । अमेरिकी राष्ट्रपति डोनाल्ड ट्रम्पले इरानमाथि आक्रमणका लागि अमेरिकी सेना तयारी अवस्थामा रहेको र बन्दुक लोड भइसकेको बताएका छन। इरानी सेनाले आक्रमण गरी अमेरिकी गुप्तचर ड्रोन खसालेपछि अमेरिकाले आक्रमणको तयारी गरेको हो ।

बन्दुकहरु प्रतिकारका लागि निशाना तर्फ सोझिएको ट्रम्पले बताएका छन् । एक सय पचास सर्वसाधारणको मृत्यु हुने देखिएपछि पछिल्लो निर्धारित आक्रमण सुरु हुनु भन्दा दश मिनेट पूर्व नै रोकिएको पनि ट्रम्पले बताएका छन् । 

आफ्नो देशमाथि हुने कुनै पनि प्रकारको आक्रमणको प्रभाव क्षेत्रीय र अन्तर्राष्ट्रिय स्तरमै पर्ने चेतावनी इरानले दिएको छ । अमेरिकाले मध्य पूर्वमा थप एक हजार सैनिक तैनाथ गरेको केही दिनमै इरानले अमेरिकी ड्रोन खसालेको हो ।