काठमाडौँ । यसवर्षको एसइईमा दुई चर्चित अनुहार नेकपा संसदीय दलकी सचेतक शान्ता चौधरी र अभिनेत्री करिश्मा मानन्धर सहभागी भए । उनीहरुमध्ये अभिनेत्री करिश्मा मानन्धरले गतवर्षको एसईई परीक्षामा ३ जीपीए ल्याएकी छिन् ।

 

मैतीदेवीको त्रिवेणी पब्लिक स्कुलमा अध्ययन गरेकी करिश्माले डिल्लीबजारस्थित विजय स्मारक माविबाट परीक्षा दिएकी थिइन् । यता नेपाल कम्युनिष्ट पार्टी (नेकपा) संसदीय दलकी सचेतक शान्ता चौधरी पनि २.६५ जिपिएसहित बी ग्रेडमा उत्तीर्ण भएकी छिन् । महेन्द्र मावि तुलसीपुरमा सञ्चालित खुला विद्यालयमा अध्ययन गरेकी शान्ताले तुलसीपुर उपमहानगरपालिका–६ मा रहेको मावि सेन्टरबाट परीक्षा दिएकी थिइन् ।