काठमाडौँ ।  लिग चरणको अन्तिम खेलमा सुदुरपश्चिम प्रदेशलाई ६ विकेटले पराजित गर्दै प्रदेश नम्बर ३ प्रधानमन्त्री कप एकदिवसीय राष्ट्रिय पुरुष क्रिकेटको सेमिफाइनलमा प्रवेश गरेको छ ।  मुलपानी क्रिकेट मैदानमा सुदुरपश्चिमले नेपाली राष्ट्रिय टोलीका कप्तान पारस खड्का रहेको प्रदेश तीनलाई १ सय ५५ रनको सामान्य लक्ष्य पेश गरेको ग-यो ।

टस जितेर पहिले ब्याटिङ गरेको सुदुरपश्चिमले ४५ ओभर १ बलमा अलआउट हुँदै १५४ रन बनाएको थियो । सुदुरपश्चिमका लागि खडक बोहराले ४० तथा रोशन अधिकारीले २७ रन जोडे । यस्तै नरेश बोहराले २६ तथा कप्तान शेर मल्लले १४ रन जोडेका थिए । १ सय ५५ रनको लक्ष्य पछ्याएको प्रदेश ३ ले ३३ ओभर २ बलमा मात्र ४ विकेट गुमाएर पूरा गर्यो ।

प्रदेश ३ का लागि इशान पाण्डेले ५३ रनको अर्धशतकीय इनिङ्स खेले । त्यस्तै आदील खानले अविजित ३३ रन जोड्दा कप्तान पारस खड्काले २६ रन बनाए ।
रबिन जोशीले १३, प्रतिश जिसीले ११ तथा जितेन्द्र सिंह ठकुरीले अविजित १२ रन बनाए । सुदुरपश्चिमका विकास अग्री, शेर मल्ल, विनोद लामा र महेश अधिकारीले १र१ विकेट लिए ।

जितसँगै समूह ए को प्रदेश ३ ले ४ खेलबाट ६ अंक जोडेको छ । यसै समूहबाट समान अंकसहित एपिएफ सेमिफाइनल पुगिसकेको छ ।