काठमाडौँ । प्रहरीको मोस्ट वान्टेड सूचीमा रहेका गुण्डा नाइके राधे भनिने राधाकृष्ण भण्डारी हतियारसहित पक्राउ परेका छन् । धादिङको गजुरी गाउँपालिका–२ मलेखुबाट बुधबार साँझ उनलाई पक्राउ गरी प्रहरीले सार्वजनिक गरेको हो ।

राधेसहित उनका केही सहयोगीलाई समेत पक्राउ गरेको नेपाल प्रहरीका प्रवक्ता डिआइजी विश्वराज पोखरेलले जानकारी दिनुभयो ।
ताल्तीतर्फ जाने बाटोमा स्थानीयबासीलाई हतियार देखाउँदै धम्क्याएको सूचनाको आधारमा पुगेको प्रहरीमाथि राधेले आक्रमण गरेको र उनलाई हतियारसहित पक्राउ गरिएको जिल्ला प्रहरी कार्यालय धदिङले जनाएको छ।

नेपाली काँग्रेस निकट तरुण दलको जिल्ला उपाध्यक्षसमेत रहेका भण्डारी गुण्डागर्दीमा संलग्न छन् । धादिङमा हुने ठेक्का पट्टा, अबैध बालुवा खानीलगायतको कमिसन राधेले धम्काएर लिने गरेको स्थानीयबासी बताउँछन् ।