काठमाडौं । १२औं संस्करणको आइसीसी एकदिवसीय विश्वकप क्रिकेट अन्तर्गत इंग्लल्यासँगको सेमिफाइनल खेलमा अष्ट्रेलियाका पिटर हृयान्ड्सकोम्बले खेल्ने मौका पाएका छन् । अष्ट्रेलियाका मुख्य प्रशिक्षक जस्टिन लेंगरले पिटरले सेमिफाइनलमा खेल्ने पक्का भएको बताए । उनी यसै साता शन मार्सको स्थानमा टिममा परेका हुन् । मार्स अभ्यासको दौरानमा घाइते भएपछि विश्वकपका लागि अष्ट्रेलियाले टिममा पिटरलाई स्थान दिएको हो ।

आयोजक राष्ट्र इंग्ल्यान्डविरुद्ध अष्ट्रेलियाले बिहीबार सेमिफाइनलमा प्रतिस्पर्धा गर्दैछ । यो खेलमा पिटरले खेल्ने निश्चित भएको मुख्य प्रशिक्षक लेंगरले बताए । उनले भनेका छन्, ‘म तपाईंहरुलाई साँचो भन्छु । पिटरले निश्चित रुपमा खेल्ने छन् । उनले खेल्ने १०० प्रतिशत साचो हो ।’